Одам ғамни кўтараолмай қолса ўзини, мол дунёни 
кўтаролмай қолса, атрофдагиларни касал қилади.
***
Номуносиб амалдор амал дархтига мушукдай ёпишиб 
туради, муносиби шу дарахтнинг ўзидан ўсиб чиқади – шох 
бўлиб.
***
Бахтсиз эканлигимни ўзим, нима учунлигини Худо била-
ди, – деган экан, бир шўрлик.
***
Чинакам бахтсизлик ўз– ўзидан нафратланишдир.
***
Умри отда ўтаётганни яёв қўйсанг ўзини чумолидай ҳис 
қилади.
***
Миллатчилик миллатнинг бошини айлантириб қўяди, 
фалокат юз бериши учун бошнинг сал кам бир айланиши 
кифоя.
***
Инсофлиман, деганга шароит яратиб берингчи, сўзида 
турармикан?
***
Бир халқ бошқа бир халқ билан аралашиб кетгиси келса 
унга уруш очади.
***
Сарой шоиридан гадо яхши, очиқча тиланади.
Комилжон Солибеков.