Россияни яқин келажакда оғир маъсулиятли дамлар кутаяпти. Қарангга!  Бу мамлакатнинг аччиқ фожиали утмиши яна такрорланиш арафасида турибди.

 

Мен айтмоқчи эмасман бир неча ой ёки бир икки йил ичида Россия ижтимоий сиёсий танглик қаърига тушиб чинакам инқироз бошланади деб.

 

Агар Путин бошлиқ ўнг концерватив  реакцион шовинистлар ўз сиёсатини ўзгартирмасдан хозирги руҳда давом эттирса, Россияни халокати беш ўн йиллар ичида муқарардир.

 

Айнан 1985 йилда дунё бозорида нефт нархини кескин тушиб кетиши СССРни иқтисодини мушкул ахволга солиб қўйганди, чунки советлар мамлакати жахон бозорига рақобат бардош тайёр махсулот сота олмагани учун худди хозирги Россия каби нефт газ хом ашё ер остки табиий ресурсларига бир томонлама боғланиб қолган ахволда эди.

 

Хозир эса энергия хом ашё ресурсларини нархи тушиб кетиш хавфи кам булсада, ғарб давлатлари жорий қилаётан кетма кет санкциялари бу мамлакатни шусиз ҳам  ўсишдан тўхтаган иқтисодини  оғир холатга солиб қўйиши табиийдир.

 

Энди АҚШ, ЕИ, Канада давлатлари қўллаган санкцияларга тўхталиб утсак. Санкциялар биринчи этапи Россияни огохлантириш, кучли саккизликдан чикариш, иқтисодий хамкорлик саммитларини бекор қилиш ва Россия фуқароларини ЕИ га бориб келиш яъни виза режимни енгиллатиш чора тадбирлари ҳам бекор қилинди.

 

Иккинчи этапда Украина қонли воқеалари билан боғлиқ бўлган 50 атрофидаги амалдор, бизнесминларга Европа ва Америкага боришга таъқиқ ва уларнинг мазкур мамлакатларидаги банк счётлари музлатилди.

 

Учинчи этапда эса санкциялар Путин атрофдаги “дўстлари” уларнинг компания, бизнесига ухшаш енгилроқ эмас, мамлакатнинг бутун бошли тармоқларини қамраб олди.

 

Жумладан булар молия банк тизими, энергетика, мудофаа тармоқларидир.  Халқаро экспертларнинг таъкидлашича кейинги икки йил ичида бевосита зарарни ўзи 100 миллиярд долларни ташкил қилар экан.

 

Ундан ташқари Россия компанияларининг ғарб давлатларидан қарзи 700 миллиярд долларни ташкил қилади, ёмон томони шундаки хозир қарз бериш тўхтади кўпчилигига. Демак бу компаниялар ўз қарзини тўлай олмайди.

 

Натижада келаётган қаттиқ валюта доллар, евро кескин камайиб рублъ қадрсизланиши жуда тезлашади. Бу ўз ўзидан оммани турмуш даражасини тушириб юбориб, мамлакатда ижтимоий   кўтарилишлар сиёсий тангликка олиб келиши аниқ.

 

Баъзи бир мутахассислар Россия санкция оқибатларига кўрган зарарларини  БРИКС ҳисобига ечиши мумкин деяпти.

 

Россия бу мамлакатлар билан ғарбдагидек боғланган эмас, алоқаларни ўрнатиш учун узоқ вақт талаб қилинади. Иккинчидан улар Россияга географик жихатдан узоқ, ўртада комуникация алоқалари деярли йўқ учинчидан иқтисодлари ривожланмаган замонавий технологияга ҳам эга эмас.

 

Россия учун мушкулликлардан чиқишнинг ягона йўли, ўз миллий иқтисоди асосларни тайёр рақобат бардош товарлар ишлаб чиқариш ва чинакам ички бозорини яратиш керак.

 

Миллий замонавий иқтисодни яратиш учун бир капитал молияни ўзи камлик қилади, иновацион техника, технология тайёр кадрлар керак.

 

Бу вазифаларни амалга оширишни ягона йўли танлови ЕИ ривожланган еттилик мамлакатларидир.

 

Фақат табиат яратган ер остки, устки хом ашё ресурсарини сотиш ёки харбий қурол яроғ ишлаб чиқариш билан мамлакат иқтисодини кўтариб бўлмайди.

 

Украина ичидаги айирмачи қўпорувчиларга Россия ёрдам беришни давом эттирса ёки можарога тўғридан тўғри харбий аралашса, янада кескин чоралар курилиши мумкин.

 

Бу чоралар нималардан иборат? Россия марказий банкини чет элда ЕИ ва АҚШ давлат  облигацияларига жойлаштирган катта маблағлари музлатилади, унга қушимча равишда Россиядаги йирик банклар тулов операциялари долларда, евродагилар тўхтатилади.

 

Россияга қарши таъсир қилишни яна чораларидан бири: дунёдаги нефт нархини қисқа муддат орасида тушириб туришга эришиш.

 

Бу учун икки шартни бажариш керак биринчиси АҚШ ўз нефт захираларни тўлдириши, иккинчиси араб монархлари билан нефт ишлаб чиқаришни кўпайтиришга келишишга эришиш лозим.

 

Путин хозир шундай даражага тушиб ноқулай ахволга қолдики у Украина шарқидаги айирмачилар билан алоқани узиб ён берса, ўзи олиб бораёган бир ёқлама ёлғон тарғибот ташвиқоти, айнан ўзига қарши ишлайди  ёки хозирги позециясида қаттиқ тўриб айирмачиларга харбий қурол яроғлар етказиб қўлласа, унда ғарб давлатлари навбатдаги янада оғир санкцияларни жорий қилишга ўтади.

 

Демак хар икки холда ҳам ютқазади. Бунинг сабаби Путинни ўзи мана шундай боши берк кўчани танлади.

 

Путин 2000 йиллар бошиданоқ Россия жамоатчилигини совет пайтлардагидек Америкага қарши қўйишга гуёки мамлакат ичидаги барча муоммалар илдизи асоси АҚШ, Англия каби давлатларга бориб тақалиши, тинимсиз оммавий ахборот воситаларида тарғибот қилинди.

 

Оқибатда Путин олиб бораётган агрессив ташқи сиёсатни қўлловчи ҳайбаракаллачи қатламлар вужудга келди.

 

2008 йил августда Россия  Грузия таркибидаги Шимолий Осетияга босқинчилик билан кирганда хам Путинни ахоли орасидаги рейтинги хозирги вақтдагидик юқорига кўтарилган.

 

Бугунги кунда Украинадаги айирмачи гурухларга берилаёган яширинча харбий ёрдамни 65% Россияликлар қўллаб қувватламоқда.

 

Путинни рейтинги рекорд даражага чиқди уни мамлакатдаги 83% одамлар куллаб қувватламоқда бугунги кунда уни рейтингини баланд бўлишини сабаби оммавий ахборат воситаларини монополия  давлат томонидан қилиниб, бир ёқлама олиб борилаёган ёлғон ташвиқотдир .

 

Бекорга Путинни Гитлерга қиёслашмайди. Нимагаки Гитлер ҳам хокимятга келиши билан Германия ичидаги барча муоммалар илдизларини чет элдан Франция, Буюк Британия каби давлатлардан қидириб, бир ёқлама ёлғондан иборат ташвиқот тарғибот олиб боради.

 

Мамлакат ичида кенг қулланишга эришгандан кейин, олдинига немислар кўп яшайдиган Чехославкияни Судет областини кейин эса Австрияни босиб олади.

 

Гитлер олиб борган агрессив босқинчилик сиёсатига қарамасдан 1930 йиллар иккинчи ярмида унинг рейтинги – машхурлиги худди Путинникидек баланд бўлган.

 

 Хулоса килиб айтадиган булсак, хозирги замонда дунё геосиёсатида глобаллашув чуқурлашаётган пайтда хеч бир кудратли давлат, империячилик хис хаёжони билан узоққа бора олмайди.

 

Россиядек мамлакат хакида эса гапириш хам ортикча.

 

 

ОТАБЕК  ТОШЕВ.